Ons dien voorwaar 'n fantastiese God vir wie niks onmoontlik is nie!!

Hierdie briefie is net om te vertel van die wonderwerk wat ek beleef het, en aan God al die eer daarvoor te gee!

Die afgelope Woensdag, 9 April, het ek beleef wat seker enige ma se grootste nagmerrie is - ek het ons seuntjie gekry waar hy dryf op ons swembad. Potblou, starende oë, dood!!!!!! Ek het in die swembad ingeklim en hom uitgehaal en net teen my vasgedruk en begin bid. Ek het in die huis gaan sit en vir die meisiekinders gesê dat ons moet bid, en ons het net gebid. Enkele minute daarna het my seuntjie 'n geluid gemaak en begin asemhaal!!!! Daarna het hy stadig weer begin bykom. Ons het begin om lof- en dankliedere te sing tot eer van ons God. 'n Skamele 15 minute nadat ek my seun dood uit die swembad gehaal het, het ek na hom gestaan en kyk waar hy saam met sy sussies sit en blokkies bou!!! So gesond en normaal asof dit nooit gebeur het nie!! Wat 'n groot en wonderlike God dien ons! Ek kan nie genoeg vir Hom dankie sê en aan Hom die eer gee nie. My seuntjie was dood, maar hy lewe weer - Christus het hom uit die dood opgewek!!!!! Ek kan nie beskryf wat dit vir my is nie!!!

Toe ek die aand langs hom in die bed lê waar hy rustig slaap, het ek vir die eerste keer daaraan gedink dat die normale ding om te doen seker sou wees om die medic-alert panic button wat ek tot my beskikking het, te druk.Of om CPR toe te pas. Maar ek het toe ook besef dat die medic-alert ouens niks vir hom  sou kon doen nie. Hul sou net vir my gesê het, jammer mevrou, maar jou seuntjie is reeds dood! Dit was net die Vader wat iets vir hom kon doen. Die wonderwerk wat Jesus in Adriaan se liggaam gedoen het, is absoluut mind-boggling!! Hy het geen water ooit opgebring of uitgespoeg, geroggel of gehoes nie. Hy het net weer begin asemhaal, en al sy liggaamsfunksies was onmiddelik so normaal soos voorheen.Ek het na die tyd eers besef hoe die Vader my kalm gemaak het, want ek het geen oomblik enige angs ervaar, gehuil, geskree of enigiets nie. Ek het toe ook eers besef dat die Vader absoluut net elke aksie van my oorgeneem en my NIKS laat doen het nie, sodat al die eer Hom alleen toekom!!! Ons dien 'n lewende God wat deur Jesus Christus vandag steeds dooies opwek!!! Halleluja!! Prys Sy Naam....

Daar's 'n liedjie wat op my kinders se Jan de Wet CD is, wat die hele tyd in my kop maal sedert Woensdag. "Vertel dit aan die wêreld, vertel dit aan die wêreld.Vertel dit aan die wêreld dat Jesus Christus leef!!!!" Vertel hierdie getuienis van wat die Here vir ons gedoen het en van die groot en ontsagwekkende God wat ons dien, asseblief aan die hele wêreld.....

Mag julle ook ervaar hoe Jesus gebede beantwoord in jul daaglikse lewe, en mag jul ook Sy wonderwerkende krag beleef!

Baie liefde en vrede...

Ester en kie.

This e-mail address is being protected from spambots. You need JavaScript enabled to view it