David Funzamo

Written by Lisa Truter |

Untitled Document

001_David_Funzamo David Funzamo was betrokke by Projek OPRUIM / JESUS SAVES vir die afgelope twee jaar. Ek en David het gisteroggend oor 'n koppie koffie gesels en ek is so opgewonde oor sy drome en planne. David is in die proses om sy eie besigheid te begin met geld wat hy gespaar het van Projek OPRUIM / JESUS SAVES.

Al wat op hierdie stadium in sy pad staan om dadelik aan die werk te spring is R 3000 vir die aankoop van sand.

Hier is sy storie...

Respekteer geld, al is dit net ‘n bietjie geld…

David het ‘n groot glimlag op sy gesig en lewendige oë vol planne en drome. Hy is in die proses om sy eie klein besigheid te begin en sy droom is stadig maar seker besig om ‘n realiteit te word. Hy het twee slagspreuke in die lewe: ‘Werk hard en spaar hard’ en ‘Respekteer geld, al is dit net ‘n bietjie geld.’

David Funzamo moes nadat hy Standerd 6 (Graad 8) geslaag het uitspring en gaan werk. Op daardie stadium het hy in Mosambiek gewoon en het werk gekry in ‘n fabriek wat sementstene maak. In 1983 het hy na Suid-Afrika gekom om beter werksmoontlikhede te ondersoek. In 1989 was David in ‘n taxi ongeluk. Dertien van die insittendes van die taxi het gesterf. “Ek is gelukkig om te leef. Ek was vir amper twee jaar in die hospitaal en niemand het gedink dat ek weer sal loop nie, maar hier is ek en ek loop. Ek loop dalk ‘n bietjie mank, maar ek loop.” Ongelukkig wou niemand vir David weens sy gebrek in diens neem nie en hy moes uitspring om vrugte langs die pad te verkoop om te oorleef. Op ‘n dag het David besluit om die wrede Johannesburg agter te laat e

n na Kaapstad te kom. Hy het nie familie of vriende daar gehad nie en hy moes vir tien dae onder ‘n brug slaap en rondskarrel vir kos. David het die werkers van Projek OPRUIM / JESUS SAVES op die Parade sien werk en het hulle begin uitvra. Hulle het hom genooi om ook by die projek aan te sluit. “JESUS SAVES het my bemagtig om te lewe, om te betaal vir ‘n blyplek, om geld huis toe te stuur na my vrou en kinders. Hulle het nie omgegee dat ek moeilik loop nie, hulle het my respekteer as David.”

David se harde werk was die moeite werd. Met geld wat hy die afgelope twee jaar gespaar het, het hy sement, grawe, kruiwaens en ‘n tuinslang gekoop. Hy huur ook ‘n perseel waar hy wil begin om sementstene te maak. Die laaste struikelblok wat in sy pad staan om hierdie droom te verwesenlik is die aankoop van vragte sand.

“My lojaliteit lê by JESUS SAVES. Ek wil baie graag vier mense van JESUS SAVES leer hoe om sementstene te maak sodat hulle ook hulle lewens in orde kan kry.”

Projek OPRUIM / JESUS SAVES is nie ‘werkskepping’ vir werklose persone nie, maar die rehabilitering van persone wat nog nie kwalifiseer of in staat is om produktief en verantwoordelik op te tree nie. Projek OPRUIM / JESUS SAVES help desperate persone (meestal hawelose mense wat op die straat leef) om ‘kontant in die hand’ te verdien deur harde werk, as ’n alternatief vir aggressiewe bedelary, diefstal en ander misdaad.

Lisa Truter (072 390 7437 / (021) 930 8055)
www.straatwerk.org.za

002_stoor 003_Trotse_David